Presentasjon
![Frå stipendiat Ane Thon Knutsens utstilling Across the Wires, eit samarbeidsprosjekt førsteamanuensis Maziar Raein og skriftdesignar Ellmer Stefan. Frå stipendiat Ane Thon Knutsens utstilling Across the Wires, eit samarbeidsprosjekt førsteamanuensis Maziar Raein og skriftdesignar Ellmer Stefan.](/system/images/W1siZiIsIjIwMTgvMDEvMDIvMTNfNDdfNTJfNzBfYWNyb3NzX3dpcmVzLmpwZyJdLFsicCIsInRodW1iIiwiMTUzNngxMTUyIl1d/across_wires.jpg)
Informasjonsmøte om stipendiatopptak 2018
Kunsthøgskolen i Oslo held ope informasjonsmøte for søkjarar og andre interesserte om stipendiatstillingane og opptaket 2018.
Tid: onsdag 31.1.2018 kl. 17:00 -19:00
Stad: Kunsthøgskolen i Oslo, Fossveien 24, Auditoriet.
Program
- Orientering ved Trond Lossius, forskingssjef ved KHiO
- Spørsmål og svar
Deltaking i møtet er inga føresetnad for å søkje.
Informasjonsmøtet vil bli videofilma, og vil bli tilgjengeleg på nett i etterkant.
Orienteringa vert halden på engelsk.
Stipendiatprogrammet
Kunsthøgskolen i Oslo er med i det nasjonale Stipendiatprogrammet for kunsterisk utviklingsarbeid, og stillingane er innleiingsvis knytt til dette programmet. Kunsthøgskolen er i ferd med å etablere eit eige doktorgradsstudium (PhD) i kunstnarleg utviklingsarbeid. Stipendiatane vil bli overførte til det nye programmet når det har blitt etablert. For tida har Kunsthøgskolen i Oslo 21 aktive stipendiatar fordelte på alle dei seks avdelingane.
For 2018 har Kunsthøgskolen 6 ledige stillingar, og vi søkjer etter stipendiatar med gode prosjekt med nasjonal og internasjonal relevans innafor følgjande fagområde:
- Koreografi, ved avdeling Dans
- Interiørarkitektur og møbeldesign, ved avdeling Design
- Grafikk/teikning, tekstil, metall/smykke og kunst og offentleg rom, ved avdeling Kunst og handverk
- Biletkunst, ved avdeling Kunstakademiet
- Utforsking av stemma og stemma sine utfordringar, mogelegheiter, ulike songteknikkar og vedlikehald relatert til klassisk song, ved avdeling Operahøgskolen
- Teater (kan omfatte skodespel, regi, scenetekst, scenografi og dramaturgi), med prioritering av prosjekt som bidrar til utvikling av generell diskurs, ved avdeling Teaterhøgskolen
Søknadsfrist 15. mars 2018 - NB! alle søknader må sendast elektronisk via portalen JobbNorge
Les meir og finn utfyllande informasjon og lenkje til utlysingstekst: Vil du bli stipendiat på KHiO?