Verdas lengste teikneserie?

Studentane har fått oppgåve frå prosjektsanvarleg Ane Thon Knutsen, førsteamanuensis i grafisk design: Saman skal dei i løpet av to dagar lage ein lang teikneserie. Studentane skal produsere ei rute kvar, som skal vise ein karakter som spring 60-meteren.

I Iladalen blir trykksverte rulla på platene kor studentane har skåre ut motiva sine. 

Professor i grafisk design og illustrasjon, Martin Egge Lundell, er fagansvarleg. Her i full sving på dampveivals for å trykke teikneserien på stoff. 

Det ferdige resultatet blei båre ned igjen til KHiO. Det blir vist under årets Elvelangs, 22. september.

Framifrå samarbeid

–Dette var gøy! seier Ane Thon Knutsen, førsteamanuensis i grafisk design, og legg til: og vi må trekke fram den avgjerande innsatsen til verksmeister Scott Peter O'Rourke på grafikk, han har vore med i planlegginga og heldt ro, kontroll og humøret på topp hos alle involverte, studentar og tilsette, heile vegen. Utan ekspertisa hans tvilar eg på at vi ville fått det til.

Utan verksmeistrane stoppar skolen opp

–I tillegg fekk verksmeister Nicolai Fontain på treverkstaden tak i restane frå det nye dansegolvet som ble lagt på avdeling dans i sommar, og dette fekk han av Vidar Iversen på drift, slik at materialet var 100 gjenbruk. Nina Størk på tekstil hjelpte oss å preppe og sy saman stoffet vi trykka på, noko som eg ikkje hadde det minste peiling på korleis ein skulle gjere, seier Knutsen:

Poenget er at verksmeistrane på denne skolen er heilt uvurderlege, dei gjer ein formidabel innsats og alle har gjort det med bøtter av godt humør og ja-attitude. Det fortener dei masse skryt og merksemd for! Utan verksmeistrane stoppar skolen opp.

NRK med på lasset

NRK har følgt prosessen, dei har laga nettsak, og vist videoinnslag på Distriktsnyheter Oslo og Viken.

Foto: Tilde Wahl Hansen og Håvard Andreas Krogstad Johansen.