![Meirik med fornya åremål på Teaterhøgskolen Meirik med fornya åremål på Teaterhøgskolen](/system/images/W1siZiIsIjIwMjIvMTIvMTkvMnJieGdlcmF1Zl9iYmQ3NGQyNl85ZjU5XzQ3NjhfYmJmMl9mYjE5MzBhY2FjZDYuanBnIl0sWyJwIiwidGh1bWIiLCIxNTM2eDExNTIjIl1d/bbd74d26-9f59-4768-bbf2-fb1930acacd6.jpg)
Meirik med fornya åremål på Teaterhøgskolen
Victoria Meirik skal vere dekan på Teaterhøgskolen også dei fire neste åra.
Meirik fungerte i stillinga frå 1.oktober 2018, før ho blei tilsett i åremålsstilling i 2019. Det nye åremålet varer til 2027. Meirik (48) er regissør og har tidlegare mellom anna arbeidd ved Nationaltheatret, Den Nationale Scene i Bergen og Rogaland Teater. Ho har regi på publikumssuksessen Tante Ulrikkes vei av Zeshan Shakar, som framleis spelar på Det Norske Teatret / Rommen scene, meir enn tre år etter premieren.
– Det er ei glede å få lov til å halde fram i denne viktige stillinga, med så gode kolleger og studentar, for å skape ei toneangjevande utdanning innafor fagfeltet vårt, seier Meirik. – KHIOs nye strategiarbeid lovar godt for framtida, særleg knytt til det viktige arbeidet som ligg framfor oss i å sikre berekraftige utdanningar innan kunst og design. Eg gleder meg til å fortsette dette arbeidet, påkeiker ho vidare.
Før tida på KHiO har Meirik har hatt fleire verv og oppdrag, mellom anna som kunstnarleg leiar for Norsk Dramatikkfestival, og ho fekk i 2010 Heddaprisen for beste regi for "Antigone" på Trøndelag Teater. Meirik er utdanna ved Amsterdamse Hogeschool voor der Kunsten i Nederland, og har dessutan studert drama ved Skrivekunstakademiet i Hordaland og teatervitskap ved Universitetet i Oslo.