Høge søkartal til KHiO
Bachelorutdanningar på Teaterhøgskolen og Kunstakademiet er blant dei i landet med flest søkarar per studieplass. I gjennomsnitt har Kunsthøgskolen i Oslo 15,7 søkarar per studieplass på bachelornivå.
– Det er generelt høge søkartal til KHiO, slår rektor Marianne Skjulhaug nøgd fast. – Det er gledeleg å sjå at det er stabilt høgt over tid, og at så mange unge ønsker å bli kunstnarar, seier ho.
KHiO er ikkje ein del av Samordna opptak, men samanliknar ein KHiO- tala med tala Samordna opptak publiserte i dag, vil ein sjå at KHiO ligg høgt. Særleg bachelorutdanninga i skodespelarfag ved Teaterhøgskolen har høge søkartal, med 653 søkarar til ni studieplassar. Dette gir heile 72,6 søkarar per studieplass. Også bachelor i biletkunst ved Kunstakademiet har høge tal, med 470 søkarar til 24 studieplassar – tilsvarande 19,6 søkarar per studieplass.
Søkartal for bachelorutdanningane i 2026
| Avd. | Studium | Studieplasser | Søkere | Søkere per plass |
|---|---|---|---|---|
| Kunstakademiet | Bachelorstudium i billedkunst | 24 | 470 | 19,6 |
| Design | Bachelorstudium i grafisk design og illustrasjon | 12 | 141 | 11,8 |
| Design | Bachelorstudium i interiørarkitektur og møbeldesign | 12 | 129 | 10,8 |
| Dans | Bachelorstudium i jazzdans | 10 | 160 | 16,0 |
| Dans | Bachelorstudium i klassisk ballett | 10 | 108 | 10,8 |
| Design | Bachelorstudium i kles- og kostymedesign | 10 | 78 | 7,8 |
| Kunst og håndverk | Bachelorstudium i medium- og materialbasert kunst | 34 | 231 | 6,8 |
| Teater | Bachelorstudium i regi | 1 | 64 | 64,0 |
| Dans | Bachelorstudium i samtidsdans | 10 | 126 | 12,6 |
| Teater | Bachelorstudium i skuespillerfag | 9 | 653 | 72,6 |
| Opera | Årstudium i opera | 8 | 32 | 4,0 |
| 140 | 2192 | 15,7 |