Performance
Røyster
Stipendiat Solveig Styve Holte presenterer sluttresultatet av sitt kunstnarlege utviklingsarbeid under Høstscena i Ålesund.
«Røyster» er eit nytt koreografisk arbeid av Solveig Styve Holte utvikla i samarbeid med dansekunstner og prøveleiar May Stene Fossheim, dansekunstner og utøvar Rina Rosenqvist, kostymedesigner Molly Raak, komponist og musiker Sofia Jernberg, samt 5 ungdomar frå Ålesund, Ørsta, Volda og Nordfjord som alle er med som utøverar. I prosjektet får ungdom erfare kunstproduksjon frå innsida gjennom arbeidet som utøvarar og i samarbeid med ei rekke profesjonelle kunstnarar innan dans, kostyme og musikk.
Kan kunsten vere ein stad for å utvikle og auke vår sensitivitet for kvarandre og omverda? I fleire kunstneriske arbeid har Holte interessert seg for korleis skape fleirstemmige felleskap der ulike viljer og røyster sameksisterer i det koreografiske uttrykket. I «Røyster» vert rørslene skapt i møte mellom ulike kroppar, i undersøkinga av å gi og ta i mot, av å berøre og bli berørt, bære og bli boren, rørsler som berre er mulige i samdansen med ein eller fleire andre kroppar. Røyster vert ei øving i sensitivitet overfor kvarandre og omverda, korleis vår eksistens er knytt saman og avhengig av andre for å halde fram.
«Røyster» er den første produksjonen av YKS Ung, eit nytt fleirårig kunstprosjekt knytt til Ysteholen Koreografiske Senter (YKS). YKS utvikles som ein tverrkunstnerisk produksjons, formidlings- og visningsarena og bygges opp i eksisterande gardsbebyggelse på Folkestad. Prosjektet YKS Ung bygger på tidlegare erfaringar med å arbeide med ungdom som utøverar som i verket «HORDE» skapt saman med koreograf Ingri Fiksdal til opninga av MUNCH i Oslo i 2021, med seinare versjonar utvikla i Kristiansand i 2022 og i Helsinki i 2023 og verket «Forteljingar» utvikla til Dei nynorske festspela i 2011.
Arbeidet er del av sluttresultatet til Solveig Styve Holte sitt P.hd.-arbeid ved avdeling Dans ved Kunsthøgskolen i Oslo «Choreographing an Archive of Relations: Singularities and the Shared Commons in Dance».
Billetter bestilles på høstscena.no
Koreografi av eit arkiv av relasjonar: Singularitetar og det felles delte i dans
Prosjektet utforskar koreografiske metodar og prosesser for bruk av arkiver i dans. Korleis kan koreografi eksistere som ein singularitet, som eit objekt som synleggjer historiske dansearkiv, observasjonsmodaliteter og arkiver av oppgåver og situasjonar? Kva om koreografi ikkje handlar om å finne opp nytt materiale, men om ein prosess av å komponere, arbeide med og synleggjere eksisterande materialar og relasjonar?
Forskinga har produsert nye koreografiske verk som er forstått som singularitetar gjennom bruk av eksisterande materiale, gripen av den handlekrafta materialet kan ha i forminga av verket. Ein kunstarleg skapingsprosess er alltid ein stad for referansar og påverkingar, og Holte ser det å sette namn på desse referansane som noko som verken forringer eller undergravar det kunstnarlege verket sin autonomi eller integritet. I staden kan det medverke å etablere eit breiare kunnskapsfelt innan dans og koreografi, og utfordre den historiske fetisjerte ideen om det originale geniale meisterverket, der man ikkje kan artikulere, diskutere eller spore det sine påverkingar.
Forskinga har utvikla seg langsetter to aksar. Den første aksen identifiserar Holde som den intersubjektiviteten som ligg i koreografiske prosesser. Meir presist undersøkjer ho korleis skape ein produktiv læringssituasjon i arbeidet der det som produserer veks fram mellom henne, som koreograf, og utøvaren/danseren/samarbeidspartneren, og korleis staden, konteksten og situasjonen fungerer som samskapande materialar i det kunstnariske arbeidet. Den andre aksen i forskinga, intertekstualitet, speglar interessa hennar for eksisterande materialar, funne dansehistoriske arkiv, funne former for komposisjonar og observasjonsmodalitetar, og å forstå og nærme seg desse som et felles delt i dans.