Talk
Sorg forvandla til dans
Koreograf og dansekunstnar Per Roar har undersøkt kva som skjer med sorg i forskjellige sosiale settingar: Korleis handsamer vi sorga når ein ven døyr i eit flykrasj, og korleis leve med arven etter krigen i Bosnia?
Per Roar disputerte i fjor med arbeidet Docudancing Griefscapes. Torsdag presenterer han oppgåva i KHiOs auditorium. Ope for alle!
Per Roar presenterer arbeidet med Docudancing Griefscapes- Choreographic strategies for embodying traumatic contexts in the trilogy Life & Death i samtale med den austerriske koreografen Michael Kliën, som også var opponent under disputasen i november i fjor. Oppgåva blei forsvart på University of the Arts i Helsinki.
«I hans kunstariske strategi for forsking, har Per Roar nærma seg desse sosiale og politiske kontekstane som ein etnograf. Han har tatt i bruk etnografiske reiskapar og feltarbeid som ein integrert del av undersøkinga. Han viser og diskuterer kva denne strategien inneber, også for koreografisk tenking og innstilling, og på den måten kan han sette spørsmålsteikn ved moglegheitene og middel til koreografi i møte med ein sosio-politisk røyndom, slik som sorg.» heiter det i presentasjonen frå University of the Arts i Helsinki.
Presentasjon og samtale vil vere på engelsk.
Doktorgradsarbeidet er publisert på Acta Scenica, Helsinki. For nettversjon, sjå her!
Samtale:
Koregograf Per Roar samtaler med koreograf Michael Kliën. Samtala vert leia av dekan ved Ballethøgskolen, Suzanne Bjørneboe.
Per Roar er bachelor i koreografi frå Kunsthøgskolen i Olso og master i Performance Studies frå New York University (the Tisch School of the Arts). Han er cand.mag frå UiO og Karl Marx Universitet (nå: Corvinius) i Budapest og Oxford University i Oxford, i historie og samfunnsvitskap.
Doktorgrad ved Teaterakdemiet ved University of the Arts i Helsinki med oppgåva Docudancing Griefscapes - Choreographic strategies for embodying traumatic contexts in the trilogy Life & Death, 6th November 2015. Opponentar: Michael Kliën (PhD and choreographer, Athens) og Åsa Unander-Scharin (PhD, choreographer and researcher, Luleå University of Technology).