Nettleseren støttes ikke av khio.no, og siden kan vises feil. Vennligst oppgrader til en moderne nettleser. Hvis dette ikke er mulig, prøv å skru av javascript. Siden vil bli da enklere, men for det meste fungere.

Støttede nettlesere: Chrome 97, Firefox (Android) 95, QQ browser 10.4, UC browser 12.12, Android WebView 97, Baidu 7.12, Chrome 97, Chrome 96, Chrome 95, Chrome 94, Edge 97, Edge 96, Firefox 96, Firefox 95, Firefox 94, Firefox 91, Firefox 78, Internet Explorer 11, Safari/Chrome (iOS) 15.2-15.3, Safari/Chrome (iOS) 15.0-15.1, Safari/Chrome (iOS) 14.5-14.8, Safari/Chrome (iOS) 14.0-14.4, Safari/Chrome (iOS) 12.2-12.5, KaiOS 2.5, Opera Mini, Opera Mobile 64, Opera 82, Opera 81, Safari (MacOS) 15.2-15.3, Safari (MacOS) 15.1, Safari (MacOS) 14.1, Safari (MacOS) 13.1, Samsung 16.0, Samsung 15.0

Javascript er skrudd av. khio.no bør fungere, men med et enklere grensesnitt.

Fire nytilsetjingar ved Teaterhøgskolen

Fire nytilsetjingar ved Teaterhøgskolen

Tore Vagn Lid og Kai Johnsen er tilsett i stilling som professor, og Victoria Meirik og Runar Hodne som førsteamanuensis, alle i 50 % åremålsstilling ved registudiet ved avdeling Teaterhøgskolen.

- Vi er stolte og glade for å få fire så framragande regissørar til oss, seier fungerande dekan Jesper Halle ved Kunsthøgskolen i Oslo, avdeling Teaterhøgskolen. - Alle fire har vore med på å prege norsk teater dei seinare åra, og vi ser fram til at dei nå vil være med på å prege Høgskolen og utvikle den vidare. Det at dei har litt ulik bakgrunn, og har forskjellige inngangar til regifaget, ser vi på som ein ekstra verdi for Teaterhøgskolen, seier Jesper Halle.

Les også: Scenekunst: "Generalistenes tid er forbi" (intervju)

Kort om dei fire

Tore Vagn Lid (43) arbeider i dag som professor II for dramaturgi/scenetekst ved Teaterhøgskolen. Han leier også prosjektprogrammet «Nye forestillinger – nye verktøy: Kunnskaper og ferdigheter for et postdramatisk teater» under Program for kunstnarleg utviklingsarbeid.

Vagn Lid har doktorgrad frå Justus Liebeig Universität, Gessen i tillegg til utdanning frå Universitetet i Bergen, Freie Universität zu Berlin og Agder musikkonservatorium.

Kai Johnsen (53) har i dei siste åra arbeidd som regissør, dramaturg og prosjektutviklar ved teater i Noreg og utlandet. Han har tidlegare vore kunstnarleg leiar ved Dramatikkens Hus og scenekunstkonsulent i Norsk kulturråd.

Johnsen har doktorgrad frå Kunsthøgskolen i Oslo, avdeling Teaterhøgskolen i tillegg til fag frå Universitetet i Oslo. 

Victoria Meirik (45) er regissør og har mellom anna arbeidd ved Nationaltheatret og Rogaland Teater. Ho har hatt fleire verv og oppdrag, mellom anna som kunstnarleg leiar for Norsk Dramatikkfestival og fekk i 2010 Heddaprisen for beste regi for "Antigone", skapt for Trøndelag Teater.

Meirik er utdanna ved Amsterdamse Hogeschool voor der Kunsten i Nederland og Universitetet i Oslo og har dessutan studert drama ved Skrivekunstakademiet i Hordaland og teatervitskap ved Universitetet i Oslo.

Runar Hodne (45) arbeider i dag som freelance instruktør og har også tidlegare undervist i skodespelar- og regifag ved Teaterhøgskolen. Han har iscenesett ei lang rekke teaterframsyningar ved teaterinstitusjonar i Noreg. I 2001 fekk han Heddaprisen for beste regi av Jon Fosses "Nokon kjem til å komme", vist ved Nationaltheatret same år.

Hodne er utdanna frå Statens teaterhøgskole og Universitetet i Oslo.

Dei fire tiltrer alle i løpet av våren 2016.

Les også: Scenekunst.no "Fire nye regilærere på KhiO"

Fotomontasje: scenekunst.no